اولا: لو الطفل قال كلمه وحشه او شتيمه لاخوته … او لحد جه يزوركم
— لا تضربى الطفل ابدا خاصه امام الضيوف
—- لا تهنيه بكلام جارح ووصف قوى مثل ” انت مش محترم ”
— لكن بهدوء نأخذه نطلب منه ان يعتذر لمن شتمه حتى لو اخوة …
— نفهمه ان الشتيمه غلط ومينفعش نردد كلام سمعناه من غير ما نفهم معناه …
— لازم نعرف ان كل اللى فات ده لن يجدى نفع لو الاهل بيقولوا كلام وحش جوه البيت..
ثانيا: لو الطفل فتح شنطه مامته وخد فلوس بدون علمها
—- لازم نفهم الطفل معنى ” الاستئذان “… يعنى لو حاجه مش بتاعتنا لازم نطلب اولا من صحابها اننا عايزنها
— لازم كمان نعلم الطفل ان اخد حاجه مش بتاعتنا من غير ما نعرف صاحبها اسمها” سرقه” ..
— نعلم الطفل انه ليس هناك مشكله ان يذهب لماما ويقول لها” ماما انا عايز فلوس … ماما بعد اذنك هاخد حاجه من شنطتك ”
.
ثالثا: الطفل يصيح وصوته عالى
— اخبرى طفلك ” مش لازم تعلى صوتك عشان نسمعك .. احنا هنقدر نسمعك لو صوتك واطى ”
— اخبرى طفلك ان الصياح والصوت العالى هيرهق زورك ويوجعه… ومش هتقدر تتكلم تانى .
—- كمان الصوت العالى هيعمل صداع للناس وهيقولو عليك مزعج …
رابعا: الطفل حصل على درجات سيئه فى الاختبار الشهرى
—- ابدأ اولا بمدحه لتعزز ثقته بنفسه فقل له ” انت ولد ذكى … وتستطيع ان تحصل على درجات اعلى بكتير من دى …
فلازم تركز اكتر لشرح المعلمه فى الفصل & تحل الواجب اول باول … وهتجيب درجات احلى الشهر الجاى وتطلع من اوائل الفصل ”
— لا تعايروا الطفل على درجاته وتقولوا له ” انت ولد فاشل” .. ” انت ولد غبى “…. لانه هيفقده الثقه بنفسه .
خامسا: الطفل يسرح بخياله
— ان نعلم الطفل الفرق بين الواقع والخيال.
—– ان نعلم الطفل مزايده على الحقيقه يسمى ” كذبا” ..
—– لازم الطفل اول حاجه يتعلم منها الصدق .. هو رؤيه صدق والديه فى القول والفعل.
سادسا: الطفل يفسد اداوته المدرسيه بالشخابيط
— اخبر طفلك ان تلك الاغراض خاصه بالدراسه والمذاكره … وان اردت الرسم
فيوجد كراسه للرسم والوان جميله مخصوصه للرسم نلعب ونلون بهم بعيدا عن
كراسات وكتب المدرسه .
سابعا: طفلك مهمل فى ترتيب اغراضه وغرفته
—- اجعلى الطفل يعاونك فى كل مره تقومى فيها بتنظيف غرفته ويساعدك فى
الامور البسيطه حتى يحاول يقلدك ومره تلو الاخرى ستجديه تعلم لوحده كيف
يرتب غرفته .
ليست هناك تعليقات:
إرسال تعليق