1-العقلة بتطول و الحديد بيقصر.
المتحكم في الطول و القصر بصفة أساسية هي جيناتك و شوية عوامل خارجية مش مؤثرة بشكل ملحوظ أوي
2-أنا هلعب حديد و أحول دهوني لعضلات.
الدهون مبتتحولش لعضلات و لا العكس الموضوع أكنك جايب كيلو حديد و عايز بمعجزة تحوله لدهب
3-البار المقلوب بيجيب عمي.(declined bench press).
البار المقلوب مبيسببش عمي..مش ال١٠ ١٥ ثانية دول إللي هيعملوا كدة..كان زمان بتوع اليوجا المتشقلبين طول اليوم اتعموا من زمان
4-لو عروقك بانت تبقي بتلعب صح.
مفيش أي علاقة بين الأداء الصح للتمرين و ظهور عروقك..دة ليه علاقة بضغط الدم و نسبة الدهون في جسمك
5-البروتين و المكملات بتجيب عقم و فشل كلوي.
المكملات زيها زي الأكل مفيش حد بيجيله عقم لو كل صدر فرخة زيادة في نفس الوقت أي استخدام غلط أو مبالغ فيه هيأدي لأضرار و يستحسن بين كل كورس و التاني راحة من المكملات أسبوع أو اتنين
6-العدات القليلة للضخامة و العدات الكتير للتشريح.
دي أكتر فتوة ممكن تسمعها من أي حد..العدات من ٣ ل ٨ بتزيد من قوتك..من ٨ ل ١٢ بتزود الحجم العضلي..من ١٢ ل ١٦ بتزود قوة تحملك..طب ايه اللي يخليني متشرح..عضلة نضيفة من غير دهون بتروح بالكارديو و نظام أكل
7-كل حاجة مسكرة قبل التمرين.
غلط جدا..السكر هيعلي في الدم بسرعة..و هيهبط بسرعة فهتدوخ و مش هتقدر تكمل...قبل التمرين كارب بطئ..زي البطاطا و البطاطس المسلوقة
8-اشرب بيض ني علي لبن الصبح.
سلق البيض بيقضي علي بكتريا السالمونيلا و شربك ليه ني بيعرضك لمخاطرة أنت في غني عنها
9-قلل وجباتك و أكلك عشان تخس.
كدة أنت بتقلل معدل الحرق بتاعك لأن جسمك بيتكيف علي حالة المجاعة اللي حطيته فيها و الأنظمة بتاعة كل نص بيضة الصبح و شم معلقة فول أثبتت فشلها و بترجع بعدها بوزن زايد تاني..كتر وجباتك و نضف أكلك..امنع مقليات و حلويات..بدل الأرز الأبيض ببسمتي..
10أهم حاجة التمرين مش مهم الأكل.
أنت كدة عامل زي اللي بيبني عمارة و طالع نازل بس معوش طوب..المعادلة بسيطة..مثلث بتلات أضلاع شيل أي واحد المعادلة تختل..أكل..تمرين..نوم
ملحوظة نظام غذائي رقم واحد لجسمك رقم اثنين التدريب النوم
ليست هناك تعليقات:
إرسال تعليق